കോഴിക്കോട്: ആറാമത് ദക്ഷിണ മേഖലാ ത്വയ്ക്വാണ്ടോ ചാംപ്യന്‍ഷിപ്പില്‍ 248 പോയിന്റുമായി തമിഴ്‌നാട് ഓവറോള്‍ കിരീടം സ്വന്തമാക്കി. 241 പോയിന്റുമായി കേരളം രണ്ടാം സ്ഥാനവും കര്‍ണാടക മൂന്നാം സ്ഥാനവും കരസ്ഥമാക്കി. സബ്ജൂനിയര്‍, ജൂനിയര്‍, കേഡറ്റ് വിഭാഗത്തില്‍ ആണ്‍കുട്ടികളിലും പെണ്‍കുട്ടികളിലും തമിഴ്‌നാടിനാണ് ഒന്നാം സ്ഥാനം. സീനിയര്‍ (ആണ്‍-പെണ്‍) വിഭാഗത്തില്‍ കേരളം ഒന്നാമതെത്തി.
സമാപന ചടങ്ങ് എ. പ്രദീപ്കുമാര്‍ എം.എല്‍.എ ഉദ്ഘാടനം ചെയ്തു. കേരള സ്‌പോര്‍ട്‌സ് കൗണ്‍സില്‍ പ്രസിഡന്റ് ടി.പി ദാസന്‍ മുഖ്യാതിഥിയായിരുന്നു. ജില്ലാ പഞ്ചായത്ത് പ്രസിഡന്റ് ബാബു പറശ്ശേരി, ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് കെ.ജെ മത്തായി സംബന്ധിച്ചു.