മോണ്ടെ കാര്‍ലോ: ഇന്ത്യയുടെ രോഹന്‍ ബൊപ്പണ്ണയും ഉറുഗ്വെയുടെ പാബ്ലോ ക്യുവാസും ചേര്‍ന്ന സഖ്യത്തിന് മോണ്ടെ കാര്‍ലോ മാസ്റ്റേഴ്‌സ് പുരുഷ ഡബിള്‍സ് കിരീടം. ഫൈനലില്‍ സ്പാനിഷ് സഖ്യമായ ഫെലിഷിയാനോ ലോപസ്- മാര്‍ക്കസ് ലോപസ് സഖ്യത്തെ വീഴ്ത്തിയാണ് ഇന്തോ- ഉറുഗ്വെ സഖ്യം കിരീടം സ്വന്തമാക്കിയത്. ടൈ ബ്രേക്കര്‍ ഫലം നിര്‍ണയിച്ച മത്സരത്തില്‍ 6-3, 3-6, 10-4 എന്ന സ്‌കോറിനാണ് ബൊപ്പണ്ണ സഖ്യം വിജയം പിടിച്ചത്.