മലപ്പുറം: എം.പിയുടെ പ്രാദേശിക വികസന ഫണ്ടില്‍ നിന്നും മലപ്പുറം സെന്റ് ജമ്മാസ് ഗേള്‍സ് ഹൈസ്‌ക്കൂളിന് അനുവദിച്ച കംപ്യൂട്ടര്‍ ലാബിന്റെ ഉദ്ഘാടനം പി.കെ കുഞ്ഞാലിക്കുട്ടി എം.പി നിര്‍വഹിച്ചു. പി.ടി.എ പ്രസിഡന്റ് ഹാരിസ് ആമിയന്‍ അധ്യക്ഷനായി.
സെന്റ് ജോസഫ് ചര്‍ച്ച് വികാരി ഫാദര്‍ കെ.എസ് ജോസഫ്, മാനേജര്‍ ജോസി ജോസഫ്, പ്രിന്‍സിപ്പല്‍ ടി.എ ഗ്രേസി, എം.ടി.എ പ്രസിഡന്റ് നുജൂം, ഹെഡ്മിസ്ട്രസ് കെ.വി ലൂസി, അധ്യാപകരായ അമീറലി കാടേരി, സെലിന്‍ സെബാസ്റ്റ്യന്‍ സംസാരിച്ചു.