കോട്ടയം : ലോക്‌സഭാ തെരഞ്ഞെടുപ്പിനോടനുബന്ധിച്ച് കോട്ടയം ജില്ലയിലെ അന്തിമ വോട്ടര്‍ പട്ടിക പ്രസിദ്ധീകരിച്ചു.
ഒന്‍പത് നിയോജക മണ്ഡലങ്ങളിലായി ആകെ 15,30,587 വോട്ടര്‍മാരാണുളളത്. ഇതില്‍ 751371 പുരുഷന്‍മാരും 779206 സ്ത്രീകളും ഇതരലിംഗ വിഭാഗത്തില്‍പ്പെടുന്ന 10 പേരും ഉള്‍പ്പെടുന്നു.  ഏറ്റവും കൂടുതല്‍ വോട്ടര്‍മാരുളളത് കടുത്തുരുത്തി നിയോജക മണ്ഡല ത്തിലാണ്- 181036 പേര്‍, ഏറ്റവും കുറവ് കോട്ടയം മണ്ഡലത്തിലും - 156657 പേര്‍.
വോട്ടര്‍പട്ടികയില്‍ പേര് ചേര്‍ക്കുന്നതിന് മാര്‍ച്ച് 25വരെ സമയം അനുവദിച്ചിരുന്നു. എന്‍.വി.എസ്.പി പോര്‍ട്ടല്‍ വഴിയും അക്ഷയ കേന്ദ്രങ്ങള്‍ വഴിയും വോട്ടേഴ്‌സ് ലിസ്റ്റില്‍ പേര് ചേര്‍ക്കുന്നതിന് സൗകര്യം ഏര്‍പ്പെടുത്തിയിരുന്നു.