തൃക്കരിപ്പൂര്‍: സിമന്റ് പാളി തലയില്‍വീണ് കോണ്‍ഗ്രസ് നേതാവിന് പരുക്ക്. കോണ്‍ഗ്രസ് നേതാവും നീലേശ്വരം ബ്ലോക്ക് പഞ്ചായത്ത് അംഗവുമായ തങ്കയത്തിലെ സി. രവി (55)ക്കാണ് പരുക്കേറ്റത്. ഇന്നലെ രാത്രിയാണ് സംഭവം. ബംഗളൂരുവിലേക്ക് സര്‍വിസ് നടത്തുന്ന സ്വകാര്യ ബസ് തൃക്കരിപ്പൂര്‍ ബസ്് സ്റ്റാന്‍ഡിലേക്ക് പ്രവേശിക്കുന്നതിനിടെ പഞ്ചായത്ത് വ്യാപാര സമുച്ചയത്തിലെ ബീമില്‍ തട്ടിയതോടെ പരിസരത്ത് നില്‍ക്കുകയായിരുന്ന രവിയുടെ തലയില്‍ സിമന്റ് പാളി വീഴുകയായിരുന്നു.