പെരുമ്പാവൂര്‍: വളയന്‍ചിറങ്ങര വി.എന്‍ കേശവപിള്ള സ്മാരക വായനശാല 75ാം ജന്മദിനം ആഘോഷിച്ചു. എസ്.എസ്.എല്‍.സി, പ്ലസ് ടു ഉന്നത വിജയികള്‍ക്ക് അനുമോദനം, വായനശാലയിലെ മികച്ച വായനക്കാര്‍ക്കുള്ള എന്‍ഡോവ്‌മെന്റ് വിതരണം, ശുചിത്വ മിഷന്‍ അവാര്‍ഡ് കരസ്ഥമാക്കിയ വളയന്‍ചിറങ്ങര അങ്കണവാടിക്കുള്ള അനുമോദനം എന്നിവ ആഘോഷത്തിന്റെ ഭാഗമായി നല്‍കി. ടെല്‍ക് ചെയര്‍മാന്‍ എന്‍.സി മോഹനന്‍ സമ്മേളനം ഉദ്ഘാടനം ചെയ്തു. എം.കെ മദനമോഹനന്‍ അധ്യക്ഷത വഹിച്ചു.
താലൂക്ക് ലൈബ്രറി കൗണ്‍സില്‍ സെക്രട്ടറി പി.ജി സജീവ് എസ്.എസ്.എല്‍.സി ഉന്നത വിജയികളെയും പ്ലസ് ടു ഉന്നത വിജയികളെ രായമംഗലം ഗ്രാമപഞ്ചായത്ത് പ്രസിഡന്റ് സൗമിനി ബാബുവും അനുമോദിച്ചു.
രായമംഗലം ഗ്രാമപഞ്ചായത്ത് മെംമ്പര്‍ അമ്പിളി ഷാജീവ്, മഴുവന്നൂര്‍ ഗ്രാമപഞ്ചായത്ത് മെംമ്പര്‍ മിത മനോജ് എന്നിവര്‍ വിവിധ എന്‍ഡോവ്‌മെന്റുകള്‍ വിതരണം ചെയ്തു. വളയന്‍ചിറങ്ങര എച്ച്.എസ്.എസ് പ്രിന്‍സിപ്പല്‍ ജി. കല, ഹെഡ്മാസ്റ്റര്‍ ജി. ആനന്ദകുമാര്‍, സുവര്‍ണ്ണ തീയറ്റേഴ്‌സ് പ്രസിഡന്റ് കെ.കെ. ഗോപാലകൃഷ്ണന്‍, ഒളിമ്പിക് സ്‌പോര്‍ട്‌സ് ക്ലബ് സെക്രട്ടറി എന്‍.എന്‍ വിനോദ് എന്നിവര്‍ സംസാരിച്ചു.