കൊടുങ്ങല്ലൂര്‍: അരനൂറ്റാണ്ട് പിന്നിട്ട ഗവ.ടെക്‌നിക്കല്‍ ഹൈസ്‌കൂളില്‍ നടന്ന പൂര്‍വ വിദ്യാര്‍ഥി-അധ്യാപക-അനധ്യാപക കുടുംബസംഗമം നടന്നു.  പൂര്‍വ വിദ്യാര്‍ഥികളും സ്‌കൂളിന്റ ആരംഭകാലം മുതലുളള പൂര്‍വ അധ്യാപക-അനധ്യാപകതര ജീവനക്കാരും കുടുംബാഗങ്ങളുമടക്കമുളളവര്‍ ഒത്തുചേര്‍ന്നു.
വി.ആര്‍ സുനില്‍കുമാര്‍.എം.എല്‍എ ചടങ്ങുകള്‍ ഉദ്ഘാടനം ചെയ്തു. നഗരസഭാ വൈ.ചെയര്‍മാന്‍ ഷീല രാജ്കമല്‍ അധ്യക്ഷയായി. ഇ.ടി ടൈസണ്‍.എം.എല്‍.എ ആദരണം നടത്തി. വിജി.ഉണ്ണികൃഷ്ണന്‍, എം.എ.അനില്‍കുമാര്‍, രശ്മിബാബു, കെ.കെ.പത്മനാഭന്‍, ടി.കെ.ഗംഗാധരന്‍, പി.കെ.സജീഷ്, എം.കെ.വര്‍ഗ്ഗീസ്, പി.കെ.രവീന്ദ്രനാഥന്‍ എന്നിവര്‍ സംസാരിച്ചു. സംഗമത്തിമെത്തിയവര്‍ അഞ്ഞൂറിലധികം ഫലവൃക്ഷ തൈകള്‍ സ്‌ക്കൂള്‍ വളപ്പില്‍ നട്ടു.