സത്താറ: മഹാരാഷ്ട്രയില്‍ കൊവിഡ് പ്രതിരോധത്തിനുള്ള പി.പി.ഇ കിറ്റ് ധരിച്ചെത്തി ജ്വല്ലറിയില്‍ വന്‍ കവര്‍ച്ച. സത്താറയിലാണ് സംഭവം. ജ്വല്ലറിയില്‍ നിന്നു 780 ഗ്രാം സ്വര്‍ണവുമായാണ് മോഷ്ടാക്കള്‍ കടന്നുകളഞ്ഞത്.
മോഷ്ടാക്കള്‍ ഷോകേസുകളില്‍നിന്നും അലമാറകളില്‍നിന്നും സ്വര്‍ണമെടുക്കുന്നത് സി.സി.ടി.വി ദൃശ്യങ്ങളില്‍ വ്യക്തമായിട്ടുണ്ടെന്ന് പൊലിസ് പറഞ്ഞു. രണ്ടു ദിവസം മുന്‍പാണ് മോഷണം നടന്ന്. തൊപ്പി, മാസ്‌ക്, പ്ലാസിറ്റിക് ജാക്കറ്റ്, കൈയുറ എന്നിവ ധരിച്ചാണ് ഇവര്‍ ജ്വല്ലറിയിലെത്തിയത്. ഉടമയുടെ പരാതിയെ തുടര്‍ന്ന് പൊലിസ് കേസെടുത്തു. ജ്വല്ലറിയുടെ ഭിത്തി തുരന്നാണ് മോഷ്ടാക്കള്‍ ഉള്ളില്‍ പ്രവേശിച്ചതെന്ന് കടയുടമ പറഞ്ഞു.