സതാംപ്റ്റന്‍: കൊവിഡ് മഹാമാരിക്കിടയില്‍ ഇന്ന് അന്താരാഷ്ട്ര ക്രിക്കറ്റും പുനരാരംഭിക്കുന്നു. ഇംഗ്ലണ്ടും വെസ്റ്റ് ഇന്‍ഡീസും തമ്മിലുള്ള ടെസ്റ്റ് ക്രിക്കറ്റ് മത്സരമാണ് തുടങ്ങുന്നത്. മൂന്നു ടെസ്റ്റുകളുടെ പരമ്പരയിലെ ആദ്യത്തെ മത്സരമാണ് ഇന്ന് ആരംഭിക്കുന്നത്. കൊവിഡ് ഭീഷണി പൂര്‍ണമായി ഒഴിഞ്ഞിട്ടില്ലാത്തതിനാല്‍ കാണികളില്ലാതെ അടച്ചിട്ട സ്‌റ്റേഡിയത്തിലാണ് പരമ്പര നടക്കുന്നത്. ശാരീരിക സമ്പര്‍ക്കം പുലര്‍ത്തുന്നതടക്കം പല നിയന്ത്രണങ്ങളും മത്സരത്തിലുണ്ട@ാവും. കഴിഞ്ഞ വര്‍ഷം വിന്‍ഡീസിനെതിരേ അവരുടെ നാട്ടില്‍ ടെസ്റ്റ് പരമ്പരയിലേറ്റ തോല്‍വിക്കു പകരം ചോദിക്കുകയാവും ഇത്തവണ ഇംഗ്ല@ണ്ടിന്റെ ലക്ഷ്യം. ക്യാപ്റ്റന്‍ ജോ റൂട്ടിനു പകരം ഓള്‍റൗ@ണ്ടര്‍ ബെന്‍ സ്‌റ്റോക്‌സാണ് ആദ്യ ടെസ്റ്റില്‍ ഇംഗ്ലണ്ട@ിനെ നയിക്കുക. ഭാര്യയുടെ പ്രസവത്തെ തുടര്‍ന്ന് റൂട്ട് ആദ്യ ടെസ്റ്റില്‍ നിന്നു മാറി നില്‍ക്കുകയായിരുന്നു. ക്യാപ്റ്റന്‍ റൂട്ടിന്റെ അഭാവം മാറ്റിനിര്‍ത്തിയാല്‍ ഇംഗ്ല@ണ്ട് ടീമിന് കാര്യമായ ദൗര്‍ബല്യങ്ങളില്ല. മുന്‍നിര താരങ്ങളായ  മൊയീന്‍ അലിക്കും ജോണി ബെയര്‍‌സ്റ്റോക്കും ടീമില്‍ ഇടം നേടാനായിട്ടില്ല. പേസര്‍മാരായ ജോഫ്ര ആര്‍ച്ചറിനെയും മാര്‍ക്ക് വുഡിനെയും ഒരുമിച്ച് ഇറക്കാന്‍ ഇംഗ്ല@ണ്ട് ആലോചിക്കുന്നു@ണ്ട്. അങ്ങനെയാണെങ്കില്‍ സ്റ്റുവര്‍ട്ട് ബ്രോഡിന് പുറത്തിരിക്കേ@ണ്ടിവരും. മറുഭാഗത്ത് വിന്‍ഡീസ് ടീമില്‍ പുതുതായി ഉള്‍പ്പെടുത്തിയ ഷാനോണ്‍ ഗബ്രിയേലിനെ ആദ്യ ടെസ്റ്റില്‍ പ്ലെയിങ് ഇലവനില്‍ ഉള്‍പ്പെടുത്തിയേക്കും.

 സാധ്യതാ ടീം. ഇംഗ്ല@ണ്ട്: റോറി ബേണ്‍സ്, ഡൊമിനിക്ക് സിബ്ലി, സാക്ക് ക്രോളി, ജോ ഡെന്‍ലി, ബെന്‍ സ്‌റ്റോക്‌സ് (ക്യാപ്റ്റന്‍), ഓലി പോപ്പ്, ജോസ് ബട്‌ലര്‍ (വിക്കറ്റ് കീപ്പര്‍), ഡോം ബെസ്സ്, ജെയിംസ് ആന്‍ഡേഴ്‌സന്‍, ജോഫ്ര ആര്‍ച്ചര്‍, മാര്‍ക്ക് വുഡ്, സ്റ്റുവര്‍ട്ട് ബ്രോഡ്. വെസ്റ്റ് ഇന്‍ഡീസ്: ക്രെയ്ഗ് ബ്രാത്‌വെയ്റ്റ്, ജോണ്‍ കാംബെല്‍, ഷെയ് ഹോപ്പ്, ഷമാറ ബ്രൂക്‌സ്, റോസ്റ്റണ്‍ ചേസ്, ജെര്‍മെയ്ന്‍ ബ്ലാക്ക്‌വുഡ്, ഷെയ്ന്‍ ഡോര്‍വിച്ച് (വിക്കറ്റ് കീപ്പര്‍), ജാസണ്‍ ഹോള്‍ഡര്‍ (ക്യാപ്റ്റന്‍), അല്‍സാറി ജോസഫ്  റഖീം കോണ്‍വാള്‍, കെമര്‍ റോച്ച്, ഷാനോണ്‍ ഗബ്രിയേല്‍.