കല്‍പ്പറ്റ: സലഫിസം വിചാരണ ചെയ്യപ്പെടുന്നു എന്ന പ്രമേയവുമായി സംസ്ഥാന വ്യാപകമായി എസ്.വൈ.എസ് ആചരിക്കുന്ന ആദര്‍ശ കാംപയ്‌നിന്റെ ജില്ലാ തല ഉദ്ഘാടനവും ഉമറലി ശിഹാബ് തങ്ങള്‍ അനുസ്മരണ ദുആ മജ്‌ലിസും നാളെ രാവിലെ 10.30 മുതല്‍ കല്‍പ്പറ്റ സമസ്ത കാര്യാലയത്തില്‍ നടക്കും. സമസ്ത മദ്‌റസാ മാനേജ്‌മെന്റ് അസോസിയേഷന്‍ സംസ്ഥാന പ്രസിഡന്റ് കെ.ടി ഹംസ മുസ്്‌ലിയാര്‍ ഉദ്ഘാടനം ചെയ്യും. പിണങ്ങോട് അബൂബക്കര്‍ അനുസ്മരണ പ്രഭാഷണവും റഹ്മത്തുല്ലാ ഖാസിമി മൂത്തേടം കാംപയിന്‍ പ്രമേയ വിഷയാവതരണവും നടത്തും. വി മൂസക്കോയ മുസ്‌ലിയാര്‍, എസ് മുഹമ്മദ് ദാരിമി, എം.എം ഇമ്പിച്ചിക്കോയ മുസ്‌ലിയാര്‍ സംബന്ധിക്കും.