മാള: മാള ബ്ലോക്ക് കുടുംബശ്രീ ജില്ലാമിഷന്റെ നേതൃത്വത്തില്‍ ആരംഭിക്കാന്‍ ഉദ്ദേശിക്കുന്ന റൈസ് പ്രോഡ്യൂസര്‍ കമ്പനിയുടെ ആദ്യയോഗവും രൂപീകരണം സംബന്ധിച്ച ഏകദിന ശില്‍പശാലയും മാള ഗ്രാമപഞ്ചായത്ത് ഹാളില്‍ നടത്തി.
ഗ്രാമപഞ്ചായത്ത് വൈ.പ്രസിഡന്റിന്റെ അധ്യക്ഷതയില്‍ ചേര്‍ന്ന യോഗത്തില്‍ ഉദ്ഘാടനം ഗ്രാമപഞ്ചായത്ത് പ്രസിഡന്റ് പി.കെ സുകുമാരന്‍ നിര്‍വഹിച്ചു. നബാര്‍ഡ് പാനല്‍ അംഗമായ കമ്പനി സെക്രട്ടറി എസ്. ശരത്ത് ശില്‍പശാലക്കു നേതൃത്വം നല്‍കി. ജില്ലാ മിഷന്‍ എ.ഡി.എം.സി ബൈജു മുഹമ്മദ്, ജില്ലാ പ്രോഗ്രാം മാനേജര്‍ ദീപ, മാള ഗ്രാമപഞ്ചായത്ത് സി.ഡി.എസ് ചെയര്‍പേഴ്‌സണ്‍ സരോജ വിജയന്‍ സംസാരിച്ചു.
ബ്ലോക്ക് കോഡിനേറ്റര്‍ ജിഷ വിനു, കുടുംബശ്രീ ജെ.എല്‍.ജി ഗ്രൂപ്പുകള്‍, വനിതാ കര്‍ഷകര്‍ സെമിനാറില്‍ സംബന്ധിച്ചു.