ഒറ്റപ്പാലം: പാലക്കാട് ലോക്‌സഭാ മണ്ഡലം എല്‍.ഡി.എഫ് സ്ഥാനാര്‍ഥി എം.ബി രാജേഷിന്റെ പര്യടനത്തിനിടെ മറിഞ്ഞ ബൈക്കില്‍ നിന്ന് വടിവാള്‍ തെറിച്ചുവീണു. വെള്ളിയാഴ്ച വൈകിട്ട് ഒറ്റപ്പാലം നിയോജക മണ്ഡലത്തിലെ പുലാപ്പറ്റയില്‍ നടന്ന പരിപാടിക്കിടെയാണ് സംഭവം.

മുന്‍ എം.എല്‍.എ ഹംസ ഉള്‍പ്പെടെയുള്ളവരുടെ വാഹനം ജാഥയിലുണ്ടായിരുന്നു. ഉമ്മനഴിയില്‍ നിന്ന് മണ്ണാര്‍ക്കാട് റോഡിലേക്ക് തിരിയുന്നതിനിടെ ഇതില്‍പ്പെട്ട ഒരു സ്‌കൂള്‍ മറിഞ്ഞുവീണു. ഒപ്പം സ്‌കൂട്ടറിലുണ്ടായിരുന്ന വടിവാള്‍ തെറിച്ചുവീഴുകയായിരുന്നു.

ജാഥയുടെ ദൃശ്യം ഇപ്പുറത്ത് നിന്നു പകര്‍ത്തുന്നുണ്ടായിരുന്നു. ഈ ദൃശ്യം വൈറലായിരിക്കുകയാണ് ഇപ്പോള്‍.

വാള്‍ തെറിച്ചുവീണയുടനെ മറ്റ് ബൈക്കുകള്‍ വന്ന് സ്‌കൂട്ടറിന് ചുറ്റും മറ നില്‍ക്കുകയും വടിവാളെടുത്ത് പോവുകയും ചെയ്യുന്നത് ദൃശ്യത്തില്‍ കാണാം.

[video width="220" height="400" mp4="http://suprabhaatham.com/wp-content/uploads/2019/04/mb-rajesh.mp4"][/video]