ചണ്ഡീഗഡ്: 2014ലെ ലോക്‌സഭാ തെരഞ്ഞെടുപ്പില്‍ മോദി ജനങ്ങള്‍ക്ക് മുന്നില്‍ അവതരിപ്പിച്ച എല്ലാവരുടെയും അക്കൗണ്ടില്‍ 15 ലക്ഷം നിക്ഷേപിക്കുമെന്ന വാഗ്ദാനത്തെ തള്ളി ബി.ജെ.പി നേതാവ്. ഇത്തരമൊരു വാഗ്ദാനം ഉണ്ടായിരുന്നില്ലെന്ന് പാര്‍ട്ടിയുടെ മുതിര്‍ന്ന നേതാവും മുന്‍ കേന്ദ്രമന്ത്രിയുമായ കല്‍രാജ് മിശ്ര പറഞ്ഞു. ചണ്ഡീഗഡില്‍ വച്ചു വാര്‍ത്താ സമ്മേളനത്തിലാണ് അദ്ദേഹം ഇക്കാര്യം വ്യക്തമാക്കിയത്.

എല്ലാവരുടെയും അക്കൗണ്ടില്‍ 15 ലക്ഷം രൂപ നിക്ഷേപിക്കുമെന്നത് പ്രതിപക്ഷം ബി.ജെ.പിയെ അവഹേളിക്കാനായി ഉയര്‍ത്തിയ ആരോപണമാണ്. തെറ്റായ സന്ദേശത്തിലൂടെ ജനങ്ങളെ തെറ്റിദ്ധരിപ്പിക്കുകയാണ് പ്രതിപക്ഷം ചെയ്തിരിക്കുന്നതെന്നാണ് അദ്ദേഹം പറയുന്നത്. നരേന്ദ്ര മോദി ഇത്തരത്തിലൊരു വാഗ്ദാനവും മുന്നോട്ടു വച്ചിരുന്നില്ലെന്നും കല്‍രാജ് മിശ്ര കൂട്ടിച്ചേര്‍ത്തു.