തിരുവമ്പാടി: നിലനില്‍പ്പ് ചോദ്യം ചെയ്യപ്പെട്ടുകൊണ്ടിരിക്കുന്ന കെ.എസ്.ആര്‍.ടി.സി ബസ് സര്‍വിസിന് നേട്ടത്തിന്റെ കഥകള്‍ രചിക്കുകയാണ് തിരുവമ്പാടി സബ് ഡിപ്പോ ജീവനക്കാര്‍. കോഴിക്കോട് സോണില്‍ മികച്ച കലക്ഷന്‍ നേടിയാണ്  ജീവനക്കാര്‍ മാതൃകയാകുന്നത്. കൂടിയ കലക്ഷന്‍ നേടി അഞ്ചാം സ്ഥാനത്ത് എത്തിയ തിരുവമ്പാടി ഡിപ്പോയിലെ ബസുകള്‍ ഏറിയ പങ്കും മലയോര മേഖലകളിലേക്കാണ് സര്‍വിസ് നടത്തുന്നത്. ജീവനക്കാരെ നാട്ടുകാര്‍ വി വണ്‍ ക്ലബിന്റെ നേതൃത്വത്തില്‍ അഭിനന്ദിച്ചു.
തിരുവമ്പാടി വി വണ്‍ ക്ലബ്ബ് പ്രസിഡന്റ് ജോയി പാറക്കല്‍, കെ.എസ്.ആര്‍.ടി.സി ഐ സി ക്ക് ഉപഹാരം കൈമാറി.ടി.പി ജോയി, കെ.എന്‍ ചന്ദ്രന്‍, അസീസ് ലാവണ്യ, ജോയി അഗസ്റ്റിന്‍, ബേബി പെരുമാലില്‍,കെ.എസ്.ആര്‍.ടി.സി ജീവനക്കാര്‍  സംസാരിച്ചു.