തിരുവനന്തപുരം: ഒരു മണിക്കൂറില്‍ ഓരോരോ മിനുട്ടു മാത്രം പ്രഭാഷണം നടത്തി 60 പ്രഭാഷണങ്ങള്‍ അരങ്ങേറുന്ന നൂതന പ്രഭാഷണ പരമ്പര 'സേ സംതിങ് സിഗ്നിഫിക്കന്റ് ഇന്‍ സിക്സ്റ്റി സെക്കന്റ്‌സ് 'എന്ന പേരില്‍ സംഘടിപ്പിക്കുന്ന പ്രഭാഷണ പരമ്പരയുടെ മറ്റൊരു പ്രത്യേകത അധ്യാപകര്‍ക്കും, വിദ്യാര്‍ഥികള്‍ക്കും ജീവനക്കാര്‍ക്കും പങ്കെടുക്കാമെന്നതാണ്.
ആര്‍ക്കും ഏതു വിഷയത്തിലും ഏതുഭാഷയിലും സംസാരിക്കാം. 60 സെക്കന്റ് പരിധി കര്‍ക്കശമാണെന്നു മാത്രം. കേരള സര്‍വകലാശാല ടീച്ചേഴ്‌സ് ഓര്‍ഗനൈസേഷന്‍ (കെ.യു.ടി.ഒ) ആണ് പരിപാടി സംഘടിപ്പിച്ചിരിക്കുന്നത്. കാര്യവട്ടം കാംപസിലെ ഫിസിക്‌സ് സെമിനാര്‍ ഹാളില്‍ 12ന് ഉച്ചക്ക് രണ്ടിനാണ് പരിപാടി.