കണ്ണൂര്‍: സംസ്ഥാനത്തെ മികച്ച ലൈബ്രറിക്ക് ജില്ലാ ലൈബ്രറി കൗണ്‍സില്‍ നല്‍കുന്ന ഐ.വി ദാസ് പുരസ്‌കാരത്തിന് അപേക്ഷ ക്ഷണിച്ചു. 25,000 രൂപയുടെ പുസ്തകവും സാക്ഷ്യപത്രവുമാണ് പുരസ്‌കാരം. 2018 ഏപ്രില്‍ ഒന്നുമുതല്‍ 2019 മാര്‍ച്ച് 30 വരെയുള്ള പ്രവര്‍ത്തനമാണ് പുരസ്‌കാരത്തിനു പരിഗണിക്കുക. അപേക്ഷാഫോറം ജില്ലാ ലൈബ്രറി കൗണ്‍സില്‍ ഓഫിസില്‍ നിന്നു ലഭിക്കും. തയാറാക്കിയ അപേക്ഷ 26നകം സെക്രട്ടറി, കണ്ണൂര്‍ ജില്ലാ ലൈബ്രറി കൗണ്‍സില്‍, പി.ഒ സിവില്‍ സ്റ്റേഷന്‍, കണ്ണൂര്‍ എന്ന വിലാസത്തില്‍ എത്തിക്കണം. 30 മുതല്‍ മെയ് ആറുവരെ കണ്ണൂര്‍ കലക്ടറേറ്റ് മൈതാനിയില്‍ നടക്കുന്ന പുസ്തകോത്സവ വേദിയില്‍ വച്ച് പുരസ്‌കാരം വിതരണം ചെയ്യും.