തിരുവനന്തപുരം: വി.ജെ.ടി ഹാളില്‍ നടന്നുവരുന്ന കേരള ഭാഷാ ഇന്‍സ്റ്റിറ്റ്യൂട്ട് വിജ്ഞാനവസന്തം പുസ്തകമേള ഇന്ന് സമാപിക്കും. പുസ്തക കോര്‍ണറിലും വിജ്ഞാനവസന്തം പുസ്തകമേളയിലും തിരക്കേറിയിരിക്കുകയാണ്. കേരള ഭാഷാ ഇന്‍സ്റ്റിറ്റ്യൂട്ട് ആദ്യകാലത്ത് പ്രസിദ്ധീകരിച്ച അമൂല്യപുസ്തകങ്ങള്‍ പൂര്‍ണമായും സൗജന്യമായി തെരഞ്ഞെടുക്കാന്‍ വിദ്യാലയങ്ങള്‍ക്കും വായനശാലകള്‍ക്കും അധ്യാപകര്‍ക്കും ഗവേഷകര്‍ക്കും പൊതുവായനക്കാര്‍ക്കുമുള്ള അവസരമാണ് സൗജന്യ പുസ്തക കോര്‍ണര്‍. വിജ്ഞാനവസന്തത്തില്‍ വൈജ്ഞാനികപുസ്തകങ്ങള്‍ 20മുതല്‍ 60 ശതമാനം വരെ വിലക്കിഴിവില്‍ ലഭ്യമാണ്.
4500ല്‍പ്പരം ശീര്‍ഷകങ്ങളില്‍ മികച്ച ഗ്രന്ഥങ്ങളാണ് വിവിധ വൈജ്ഞാനിക ശാഖകളിലായി ഇവിടെ ഒരുക്കിയിട്ടുള്ളത്. ഇന്ന് വൈകിട്ട് എട്ടരക്കാണ് സമാപനം.