മലപ്പുറം:  കുടിവെള്ളക്ഷാമം രൂക്ഷമായതോടെ പരിഹാരം കാണാന്‍ മൈത്രിനഗറിലെ യുവാക്കള്‍ ഒഴിവുദിവസം രംഗത്തിറങ്ങി. പ്രദേശത്തുകാര്‍ക്കു മുഴുവന്‍ ഉപകാര പ്രദമാകുന്ന കിണര്‍ ശുചീകരിക്കുകയും ആഴംവര്‍ധിപ്പിക്കുകയും ചെയ്തു. കോഡൂര്‍ പാലക്കല്‍ മൈത്രിനഗറിലെ വെഗന്‍സ ക്ലബ് ഭാരവാഹികളുടെ നേതൃത്വത്തിലാണു ഉപയോഗശൂന്യമായിരുന്ന കിണര്‍ ആഴം വര്‍ധിപ്പിച്ച് ശുചീകരിച്ചത്.
ശുചീകരണത്തിന് പ്രദേശത്തെ വിദ്യാര്‍ഥികളും യുവാക്കളുമടക്കം 30ഓളം പേര്‍ പങ്കെടുത്തു. മേഖലയില്‍ കുടിവെള്ളക്ഷാമം അനുദിനം  വര്‍ധിച്ചുവരികയാണെന്നും നാട്ടുകാര്‍ പരാതിപ്പെട്ടു.