വളാഞ്ചേരി: അത്തിപ്പറ്റയില്‍ ആരംഭിക്കുന്ന ഇസ്‌ലാമിക ഗവേഷണ കേന്ദ്രമായ ഫത്ഹുല്‍ ഫത്താഹിന്റെ നിര്‍മാണ പ്രവൃത്തി പൂര്‍ത്തിയായി. ഏഴു കോടിയോളം രൂപ ചെലവിലാണ് കെട്ടിടത്തിന്റെ നിര്‍മാണം പൂര്‍ത്തിയാക്കിയത്. സെന്ററിന്റെ ഉദ്ഘാടനം വിവിധ പരിപാടികളോടെ 28, 29, 30 തിയതികളില്‍ നടക്കും.
ഹൈടെക് മെഡിക്കല്‍ ക്ലിനിക്, ഉന്നത മതവിദ്യാഭ്യാസം, വിശാലമായ ലൈബ്രറി, മുഅല്ലിം ക്ഷേമ പ്രവര്‍ത്തനങ്ങള്‍, ആത്മീയ ക്ലാസുകള്‍ തുടങ്ങിയവയും കെട്ടിടത്തില്‍ ഒരുക്കുന്നുണ്ട്. 28നു വൈകിട്ട് നാലിനു സമസ്ത പ്രസിഡന്റ് സയ്യിദ് ജിഫ്രി മുത്തുക്കോയ തങ്ങള്‍ പതാക ഉയര്‍ത്തും. പാണക്കാട് സയ്യിദ് ബഷീറലി ശിഹാബ് തങ്ങള്‍, ഓണംപിള്ളി മുഹമ്മദ് ഫൈസി സംസാരിക്കും. മജ്‌ലിസുന്നൂറിന് ഹസ്സന്‍ സഖാഫി പൂക്കോട്ടൂര്‍ നേതൃത്വം നല്‍കും. 29ന് ഉദ്‌ബോധനം, 'ഉസ്‌വത്തുല്‍ ഹസന', 'സച്ചരിതരോടൊപ്പം', 'ആത്മീയം' പരിപാടികളും 30ന് കുടുംബസംഗമവും നടക്കും. സെന്റര്‍ സമര്‍പ്പണം പാണക്കാട് സയ്യിദ് ഹൈദരലി ശിഹാബ് തങ്ങള്‍ നിര്‍വഹിക്കും. പ്രമുഖര്‍ പങ്കെടുക്കും.