എടപ്പാള്‍: കലാപ്രേമികള്‍ക്കു പുത്തന്‍ അനുഭവം പകരുകയാണ് നരിപ്പറമ്പ് മാക്കി നിത്തറയില്‍ രാജേഷ്. അവതരണ രീതിയിലാണ് ഇദ്ദേഹത്തിന്റെ ചിത്രരചന വ്യത്യസ്തമാകുന്നത്. ബ്ലേഡുപയോഗിച്ചാണ് ചിത്രനിര്‍മാണമെന്നതാണ് പ്രത്യേകത.
ഹൈസ്‌കൂള്‍ പഠനകാലത്താണ് ഇലകളില്‍ ചിത്രംവര ആരംഭിച്ചത്. വരച്ച ഇലകള്‍ ആവശ്യം കഴിഞ്ഞാല്‍ ഉപേക്ഷിക്കുകയാണു പതിവ്. ഇതിനിടയില്‍ സുഹൃത്തുക്കള്‍ സൃഷ്ടികള്‍ ശേഖരിച്ചു ലാമിനേഷന്‍ ചെയ്ത് ഒരു എക്‌സ്‌പോയില്‍ പ്രദര്‍ശിപ്പിച്ചു. ഇതിനു ലഭിച്ച സ്വീകാര്യത രാജേഷിനു കൂടുതല്‍ പ്രചോദനമേകി. ഇപ്പോള്‍ ആവശ്യക്കാര്‍ക്കനുസരിച്ച് വിവിധയിനം ഇലകളില്‍ ചിത്രങ്ങള്‍ മുറിച്ചെടുത്ത് നല്‍കുന്നുണ്ടണ്ട്.
സഹകരണ ബാങ്ക് ജീവനക്കാരനായ എം.ടി രാജേഷ് ഒഴിവുസമയങ്ങളാണ് ഇതിനായി ഉപയോഗിക്കുന്നത്.