അഗര്‍ത്തല: സര്‍വിസ് റിവോള്‍വര്‍ ഉപയോഗിച്ച് ബി.എസ്.എഫ് ജവാന്‍ സ്വയം വെടിവച്ച് മരിച്ചു. ഉത്തര ത്രിപുര ജില്ലയിലെ സൈനിക ക്യാംപിലായിരുന്നു സംഭവം.
ശബ്ദം കേട്ട് എത്തിയ മറ്റു സൈനികരാണ് ഇയാളെ വെടിയേറ്റ നിലയില്‍ കണ്ടെത്തിയത്. 38കാരനായ ബി. ദുര്‍ഗാ റാവുവാണ് മരിച്ചതെന്ന് സൈനിക വക്താവ് അറിയിച്ചു.
ബന്ധുക്കളുമായി ഫോണില്‍ സംസാരിച്ചതിനു പിന്നാലെയാണ് ഇയാള്‍ ആത്മഹത്യ ചെയ്തതെന്ന് സഹപ്രവര്‍ത്തകനായ അനില്‍കുമാര്‍ പറഞ്ഞു.