അരീക്കോട്: വിദ്യാര്‍ഥികള്‍ക്ക് ശുദ്ധീകരിച്ച കുടിവെള്ളം നല്‍കാനുള്ള വാട്ടര്‍ പ്യൂരിഫൈര്‍ സംവിധാനം സൗജന്യമായി നിര്‍മിച്ചു നല്‍കി രക്ഷിതാവ് മാതൃകയായി. അരീക്കോട് സുല്ലമുസ്സലാം ഓറിയന്റല്‍ ഹയര്‍ സെക്കന്‍ഡറി സ്‌കൂളിലെ കുട്ടികള്‍ക്ക് വേണ്ടി പ്ലസ്‌വണ്‍ വിദ്യാര്‍ഥിയുടെ രക്ഷിതാവും മാക്പ്യുര്‍ ടെക്‌നോളജി എം.ഡിയുമായ ടി.ടി അബ്ദുറഹ്മാനാണ് കുടിവെള്ള ശുദ്ധീകരണ സംവിധാനം സ്വന്തമായി നിര്‍മിച്ചു നല്‍കിയത്. ശുദ്ധജല വിതരണം സ്‌കൂള്‍ മാനേജര്‍ കെ.അബ്ദുസലാം ഉദ്ഘാടനം ചെയ്തു. പ്രിന്‍സിപ്പല്‍ കെ.ടി മുനീബുറഹ്മാന്‍ അധ്യക്ഷനായി. സ്‌കൂള്‍ സെക്രട്ടറി എന്‍.അബ്ദുല്ല, ബി.എഡ് കോളജ് പ്രിന്‍സിപ്പല്‍ കെ.അഷറഫ്, സി.എച്ച് അബ്ദുല്‍ ഗഫൂര്‍, കെ.അബ്ദു നസീര്‍ തുടങ്ങിയവര്‍ സംസാരിച്ചു.