മലപ്പുറം: സുപ്രഭാതം അഞ്ചാം വാര്‍ഷിക കാംപയിന്‍ വിജയിപ്പിക്കാന്‍ സമസ്ത കേരളാ മദ്‌റസാ മാനേജ്‌മെന്റ് അസോസിയഷന്‍ ഈസ്റ്റ് ജില്ലാ കമ്മിറ്റി തീരുമാനിച്ചു. മേഖലാ, റെയ്ഞ്ച്, മദ്‌റസാ തലത്തില്‍ നടക്കുന്ന കാംപയിന്‍ പ്രവര്‍ത്തനങ്ങളില്‍ മദ്‌റസാ മാനേജ്‌മെന്റ് ഭാരവാഹികള്‍ പങ്കാളികളാവും. മദ്‌റസാ അധ്യാപകരുടേയും മാനേജ്‌മെന്റിന്‍രേയും നേതൃത്വത്തില്‍ കാംപയിന്‍ പ്രവര്‍ത്തനങ്ങള്‍ സജീവമാക്കും.
കാസര്‍കോഡ് നടക്കുന്ന സാരഥി സംഗമവും വിജയിപ്പിക്കും. മലപ്പുറം സുന്നിമഹല്‍ ഓഡിറ്റോറയത്തില്‍ യോഗത്തില്‍ പ്രസിഡന്റ് പാണക്കാട് സയ്യിദ് സാബിഖലി ശിഹാബ് തങ്ങള്‍ അധ്യക്ഷനായി.
സയ്യിദ് ബി.എസ്.കെ തങ്ങള്‍, ഇബ്രാഹിം ഫൈസി തിരൂര്‍ക്കാട്, എന്‍.ടി.സി മജീദ് പെരിന്തല്‍മണ്ണ, അബ്ദുല്ല പാലൂരാന്‍, പി.ഇ അബൂബക്കര്‍ കൊണ്ടോട്ടി, ഇസ്ഹാഖ് ഹാജി മഞ്ചേരി, കെ.പി മുഹമ്മദലി, കളത്തിങ്ങള്‍ ഹംസ ഹാജി, അഡ്വ. കാരാട്ട് അബ്ദുറഹ്മാന്‍, സി. കുഞ്ഞാപ്പുട്ടിഹാജി, പി.ടി അബ്ദുല്‍ അസീസ്, എം. യഅ്ക്കൂബ് മാസ്റ്റര്‍, എം.ടി.എ നാസര്‍ ഫൈസി, സലീം എടക്കര, പി.കെ ലത്വീഫ് ഫൈസി സംബന്ധിച്ചു.