ശാസ്താംകോട്ട: മൈനാഗപ്പള്ളി വില്ലേജ് ഓഫിസറുടെ സമയോചിത ഇടപെടലില്‍ നികത്തിയ നിലത്തില്‍ നിന്ന് കരമണ്ണ് നാക്കം ചെയ്തു. മൈനാഗപള്ളി ആറ്റുപുറം മെയിന്‍ റോഡിന്റെ കിഴക്കുവശത്തെ 10 സെന്റ് സ്ഥലമാണ് കരമണ്ണിട്ടു നികത്തിയത്. 

കഴിഞ്ഞദിവസമാണ് നിലത്തിന്റെ സമീപത്ത് കരമണ്ണ് ഇറക്കിയിട്ടിരിക്കുന്നത് വില്ലേജ് ഓഫിസറുടെ ശ്രദ്ധയില്‍പ്പെട്ടത്. നികത്തല്‍ ജോലിയില്‍ ഏര്‍പ്പെട്ടിരുന്ന ജോലിക്കാരോട് നികത്തുന്നത് കുറ്റകരമാണെന്ന് ബോധ്യപ്പെടുത്തി ഇവരെ ഓഫിസര്‍ മടക്കി അച്ചിരുന്നു. നികത്താന്‍ പാടില്ലായെന്ന് കാണിച്ചു ഉടമയ്ക്കു നോട്ടിസും നല്‍കി. എന്നാല്‍ ഉടമ ജോലിക്കാരെ തിരികെ വിളിച്ചു നിലം നികത്തുകയായിരുന്നു. തുടര്‍ന്ന് വില്ലേജ് ഓഫിസര്‍ സലീം മണ്ണുമാന്തിയന്ത്രവുമായി സ്ഥലത്തെത്തി മണ്ണ് നീക്കം ചെയ്യുകയായിരുന്നു.