ദോഹ: ദോഹയില്‍ നിന്ന് മുംബൈയിലേക്കും ഡല്‍ഹിയിലേക്കും ഏറ്റവും കുറഞ്ഞ നിരക്കുമായി ഇന്ത്യന്‍ വിമാന കമ്പനിയായ ഇന്‍ഡിഗോ. മെയ് 5 മുതല്‍ ന്യൂഡല്‍ഹിയിലേക്ക് നേരിട്ടുള്ള വിമാനത്തിന് 999 റിയാല്‍ മുതലും മുംബൈയിലേക്ക് 799 റിയാല്‍ മുതലുമാണ് റിട്ടേണ്‍ ടിക്കറ്റ് ചാര്‍ജ്. ഇന്‍ഡിഗോ ഒഫീഷില്‍ വെബ്‌സൈറ്റായ www.goindigo.in ല്‍ നിന്ന് ടിക്കറ്റുകള്‍ ബുക്ക് ചെയ്യാവുന്നതാണ്.
ഡല്‍ഹിയില്‍ നിന്ന് ദോഹയിലേക്കുള്ള വിമാനം പുലര്‍ച്ചെ 1.50ന് പുറപ്പെട്ട് പുലര്‍ച്ചെ 3.30നാണ് ദോഹയില്‍ എത്തുക. ദോഹയില്‍ നിന്ന് ഉച്ചയ്ക്ക് 1.30ന് പുറപ്പെട്ട് രാത്രി 8ന് ഡല്‍ഹിയില്‍ എത്തും.
അതേ സമയം, മുംബൈയില്‍ നിന്ന് ദോഹയിലേക്കുള്ള വിമാനം രാവിലെ 11.20ന് പുറപ്പെട്ട് ഉച്ചയ്ക്ക 12.30ന് എത്തും. ദോഹയില്‍ നിന്ന് മുംബൈയിലേക്ക് രാവിലെ 4.30ന് പുറപ്പെടുന്ന വിമാനം രാവിലെ 10.20നാണ് എത്തുക.