താമരശ്ശേരി: സ്‌കൂള്‍, കോളജ് വിദ്യാര്‍ഥികള്‍ക്ക് കഞ്ചാവ് വിതരണം ചെയ്യുന്ന ബി.ബി.എ വിദ്യാര്‍ഥി 500 ഗ്രാം കഞ്ചാവുമായി അറസ്റ്റില്‍.
തിരുവമ്പാടി പൊന്നാങ്കയം കോയിപ്പുറത്ത് ഷിന്‍സ് തോമസിനെ (24) യാണ് താമരശ്ശേരി എക്‌സൈസ് അറസ്റ്റ് ചെയ്തത്. കഞ്ചാവ് കടത്തിയ കെ.എല്‍ 20 എഫ് 879 ബൈക്കും എക്‌സൈസ് പിടിച്ചെടുത്തു. വാഹന പരിശോധനക്കിടെയാണ് ബൈക്കില്‍ ഒളിപ്പിച്ച കഞ്ചാവുമായി വിദ്യാര്‍ഥി പിടിയിലായത്.
എക്‌സൈസ് റേഞ്ച് ഇന്‍സ്‌പെക്ടര്‍ പി.പി വേണു, പ്രിവന്റിവ് ഓഫിസര്‍ ചന്ദ്രന്‍ കുഴിച്ചാലില്‍, സിവില്‍ എക്‌സൈസ് ഓഫിസര്‍മാരായ ജിനീഷ്, അശ്വന്ത് വിശ്വന്‍, വിവേക്, ഇര്‍ഷാദ്, ദീപേഷ്, പ്രസാദ് എന്നിവരാണ് പരിശോധന നടത്തി പ്രതിയെ പിടികൂടിയത്.