ഇരവിപുരം: പ്രോഗ്രസ്സീവ് ആക്ഷന്‍ കൗണ്‍സില്‍ നേതൃത്വത്തില്‍ ഇരവിപുരം റയില്‍വേ സ്‌റ്റേഷന്‍ പരിസരം ശുചീകരിച്ചു. ശുചീകരിച്ച പ്ലാറ്റ്‌ഫോമില്‍ യാത്രക്കാര്‍ക്കോ റയില്‍വേയ്‌ക്കോ ബുദ്ധിമുട്ട് ഉണ്ടാകാത്ത രീതിയില്‍ വിവിധ റസിഡന്റ്‌സ് അസോസിയേഷനുകളുടേയും സന്നദ്ധ സംഘടനകളുടെയും വിദ്യാഭ്യാസ സ്ഥാപനങ്ങളുടേയും നേതൃത്വത്തില്‍ പൂച്ചെടികളും ഫലവൃക്ഷങ്ങളും നട്ടുപിടിപ്പിക്കുകയും ചെയ്തു.
പെയ്‌സ് ജനകീയ കണ്‍വെന്‍ഷനും, അഭിപ്രായ ശേഖരണവും നടത്തിയ ശേഷമാണ് ഒന്നാം ഘട്ടമെന്ന നിലയില്‍ദ ീര്‍ഘകാലമായി കാടുകയറി കിടന്ന പ്ലാറ്റ്‌ഫോഫോമും പരിസരവും വൃത്തിയാക്കിയത്. കോര്‍പ്പറേഷന്‍ കൗണ്‍സിലര്‍മാരായ സലിം, ഗിരിജകുമാരി എന്നിവര്‍ ശുചീകരണ പ്രവര്‍ത്തനങ്ങള്‍ ഉദ്ഘാടനം ചെയ്തു. ജി.പി.രാധാകൃഷ്ണന്‍, എ അഹമ്മദ് ഖാന്‍, കൊല്ലൂര്‍വിള സുനില്‍ ഷാ, പത്മകുമാര്‍, ഹാഷിം രാജാ, ചിത്ര, നജ്മാ ബീഗം, എസ്.മുഹമ്മദ് സുഹൈല്‍, തോമസ് ഫിലിപ്പോസ്, െ്രെബറ്റ് സെയ്ഫുദ്ദീന്‍, ഷാഫി, കലുംമൂട്ടില്‍ ഷിഹാബുദ്ദീന്‍, പുലരി ബഷീര്‍, എം.ഷെരീഫ് കുട്ടി, സജീവ്, സലിം, തങ്ങള്‍ കുഞ്ഞ്, എം.എം മുസ്തഫ, എസ്.സബീര്‍ നേതൃത്വം നല്‍കി. ഏഴു ദിവസം കൊണ്ടാണ് പെയ്‌സിന്റെ നേതൃത്വത്തില്‍ സ്‌റ്റേഷനും പരിസരവും ശുചീകരിച്ചത്.