ആലപ്പുഴ: തിരുവമ്പാടി റഹ്മത്തുല്‍ ഇസ്‌ലാം ജുമാമസ്ജിദ് മഹല്‍ കമ്മിറ്റിയുടെ നേതൃത്വത്തില്‍ മികച്ച വിദ്യാര്‍ഥികളെ ആദരിച്ചു. മേഖലയില്‍നിന്നും എസ്.എസ്.എല്‍.സി , പ്ലസ് ടു ക്ലാസുകളില്‍ മികച്ച വിജയം കൈവരിച്ച വിദ്യാര്‍ഥികള്‍ക്കാണ് ക്യാഷ് അവാര്‍ഡും സര്‍ട്ടിഫിക്കറ്റുകളും സമ്മാനിച്ചത്. 

മദ്‌റസാ വിദ്യാര്‍ഥികള്‍ക്ക് പഠനോപകരണങ്ങളും വിതരണം ചെയ്തു. പ്രസിഡന്റ് കെ.എം ഷരീഫിന്റെ അധ്യക്ഷതയില്‍ ചേര്‍ന്ന സമ്മേളനം ചീഫ് ഇമാം ഹാരിസ് മിസ്ബാഹി ഉദ്ഘാടനം ചെയ്തു.
ക്യാഷ് അവാര്‍ഡും പഠനോപകരണങ്ങളും തൃപ്പൂണിതുറ പൊലിസ് സര്‍ക്കിള്‍ ഇന്‍സ്‌പെക്ടര്‍ വൈ. നിസാമുദ്ധീന്‍ വിതരണം ചെയ്തു. യോഗത്തില്‍ ജനറല്‍ സെക്രട്ടറി എം. അനസ്, എം. ഷാജഹാന്‍, അബ്ദുല്‍ ഹക്കീം, ഷാമോന്‍, പി.എം സലീം തുടങ്ങിയവര്‍ പ്രസംഗിച്ചു. ്