തിരുവനന്തപുരം: സ്ത്രീകളെ അപമാനിക്കുന്നത് പതിവാക്കിയ മന്ത്രി എം.എം മണി  മന്ത്രി സ്ഥാനം രാജി വയ്ക്കണമെന്നും  ഇല്ലെങ്കില്‍ മന്ത്രിസഭയില്‍ നിന്ന് പുറത്താക്കാനുള്ള ആര്‍ജവം മുഖ്യമന്ത്രി കാണിക്കണമെന്നും സി.എം.പി. ആവശ്യപ്പെട്ടു.  മന്ത്രി രാജിവയ്ക്കണമെന്ന് ആവശ്യപ്പെട്ടു സി.എം.പി. ജില്ലാ കമ്മിറ്റിയുടെ ആഭിമുഖ്യത്തില്‍  ജി.പി.ഒ. യില്‍ നിന്നും സെക്രട്ടറിയേറ്റിലേക്ക് പ്രതിഷേധപ്രകടം നടത്തി. പാര്‍ട്ടി ജില്ലാ ജോയിന്റ് സെക്രട്ടറി എം.ആര്‍ മനോജിന്റെ അധ്യക്ഷതയില്‍ സെക്രട്ടറിയേറ്റിന് മുന്നില്‍ നടന്ന യോഗം ജില്ലാ സെക്രട്ടറി  അഡ്വ: എം.പി സാജു ഉദ്ഘാടനം ചെയ്തു.