ഗൂഡല്ലൂര്‍: കുന്നൂര്‍ മേഖലയില്‍ ദുരൂഹ സാഹചര്യത്തില്‍ ഹെലികോപ്ടര്‍ താഴ്ന്നു പറന്നത് അന്വേഷിക്കുമെന്ന് പൊലിസ് വൃത്തങ്ങള്‍ അറിയിച്ചു. കഴിഞ്ഞ ദിവസം രാത്രി പന്ത്രണ്ട് മുതല്‍ രണ്ട് വരെയാണ് ഹെലികോപ്ടര്‍ പ്രദേശത്തിന് മുകളിലൂടെ താഴ്ന്ന് പറന്നത്. സൈനിക ക്യാംപ് ഉള്‍പ്പെടെയുള്ള പ്രതിരോധ വകുപ്പിന്റെ സ്ഥാപനങ്ങളും മറ്റ് കേന്ദ്ര സര്‍ക്കാര്‍ സ്ഥാപനങ്ങളും കുന്നൂരില്‍ പ്രവൃത്തിക്കുന്നുണ്ട്. സംഭവത്തില്‍ കുന്നൂര്‍ പൊലിസ് അന്വേഷണം ആരംഭിച്ചിട്ടുണ്ട്. എന്നാല്‍ ഇതുമായി ബന്ധപ്പെട്ട് കൂടുതല്‍ വിവരങ്ങള്‍ പൊലിസ് പുറത്ത് വിട്ടിട്ടില്ല.