താമരശ്ശേരി: വേളത്ത് മുസ്‌ലിം യൂത്ത് ലീഗ് പ്രവര്‍ത്തകന്‍ നസീറുദ്ദീനിനെ കൊലപ്പെടുത്തിയ സംഭവത്തില്‍ പ്രതിഷേധിച്ച് മുസ്‌ലിം യൂത്ത് ലീഗ് താമരശ്ശേരി പഞ്ചായത്ത് കമ്മിറ്റിയുടെ ആഭിമുഖ്യത്തില്‍ പ്രകടനവും പ്രതിഷേധ സംഗമവും നടത്തി. പി.എസ് മുഹമ്മദലി ഉദ്ഘാടനം ചെയ്തു.
യൂത്ത് ലീഗ് പ്രസിഡന്റ് സുബൈര്‍ വെഴുപ്പൂര്‍ അധ്യക്ഷനായി. കെ.എം അഷ്‌റഫ് മാസ്റ്റര്‍, എ.കെ കൗസര്‍, അഷ്‌റഫ് കോരങ്ങാട്, ആര്‍.കെ മൊയ്തീന്‍ കോയ, എം.ടി അയ്യൂബ്ഖാന്‍, റഫീഖ് കൂടത്തായി, ഇഖ്ബാല്‍ പൂക്കോട് സംസാരിച്ചു.
ഓമശ്ശേരി: പഞ്ചായത്ത് മുസ്‌ലിം യൂത്ത് ലീഗ് കമ്മിറ്റിയുടെ നേതൃത്വത്തില്‍ ഓമശ്ശേരി ടൗണില്‍ പ്രതിഷേധ പ്രകടനം സംഘടിപ്പിച്ചു.
പഞ്ചായത്ത് മുസ്‌ലിം ലീഗ് സെക്രട്ടറി യൂനുസ് അമ്പലക്കണ്ടി, മണ്ഡലം യൂത്ത് ലീഗ് വൈസ് പ്രസിഡന്റ് സി.കെ റസാഖ് മാസ്റ്റര്‍, ഫായിസ് മങ്ങാട്, സൈനുദ്ദീന്‍ കൊളത്തക്കര, മുനവര്‍ സാദത്ത് വെളിമണ്ണ, കെ.പി സൈനുദ്ദീന്‍ മാസ്റ്റര്‍ പുത്തൂര്‍, ഹുസൈന്‍ മങ്ങാട്, സക്കീര്‍ ഓമശ്ശേരി, സഹദ് കൈവേലിമുക്ക്, താജുദ്ദീന്‍ ഷാ, ശഹീദ് കൊളത്തക്കര പ്രകടനത്തിനു നേതൃത്വം നല്‍കി.