പെരുമ്പാവൂര്‍: തെരുവ് നായയുടെ ആക്രമണത്തില്‍ വീട്ടിലെ ആട് ചത്തു. വേങ്ങൂര്‍ പഞ്ചായത്ത് 10-ാം വാര്‍ഡ് കനാല്‍പാലത്ത് മേലെവീട്ടില്‍ സതീഷ് കുമാറിന്റെ ഉടമസ്ഥതയിലുള്ള ആടാണ് തെരുവ് നായയുടെ ആക്രമണത്തില്‍ ചത്തത്. പ്രദേശത്ത് തെരുവ് നായകളുടെ ആക്രമണം വ്യാപമാണെന്ന് നാട്ടുകാര്‍ പരാതിപ്പെടുന്നു. കഴിഞ്ഞ ദിവസം നിരവധി കോഴി, താറാവ് എന്നിവയെ തെരുവ് നായകള്‍ കൂട്ടത്തോട് ആക്രമിച്ച് കൊന്ന് തിന്നിരുന്നു. സംഭവത്തില്‍ വേണ്ട നടപടി സ്വീകരിക്കണമെന്നാണ് പ്രദേശവാസികളുടെ ആവശ്യം.