കോഴിക്കോട്: കുറ്റ്യാടി പുത്തലത്ത് എസ്.ഡി.പി.ഐ പ്രവര്‍ത്തകരുടെ അക്രമത്തില്‍ എസ്.കെ.എസ്.എസ്.എഫ് പ്രവര്‍ത്തകന്‍ കൊല്ലപ്പെട്ട സംഭവത്തില്‍ എസ്.കെ.എസ്.എസ്.എഫ് ജില്ലാ കമ്മിറ്റി പ്രതിഷേധിച്ചു.
തീവ്രവാദത്തിനു മതമില്ല. നിക്ഷിപ്ത താല്‍പര്യ സംരക്ഷണത്തിനായി സ്വന്തം മതത്തില്‍പെട്ടവരെപ്പോലും ദാരുണമായി കൊലചെയ്യാന്‍ തീവ്രവാദികള്‍ മടികാണിക്കില്ലെന്നതിന്റെ തെളിവാണ് നസീറുദ്ദീന്റെ കൊലപാതകം. പ്രതികളെ നിയമത്തിനു മുന്നില്‍ കൊണ്ടുവരണമെന്നും, സമുദായത്തിനകത്തെ തീവ്രവാദികള്‍ക്കെതിരേ മുസ്‌ലിം സമൂഹം ജാഗ്രത പാലിക്കണമെന്നും ജില്ലാ പ്രസിഡന്റ് സയ്യിദ് മുബശ്ശിര്‍ തങ്ങള്‍ ജമലുല്ലൈലി, ജനറല്‍ സെക്രട്ടറി ഒ.പി അഷ്‌റഫ് എന്നിവര്‍ സംയുക്ത പ്രസ്താവനയില്‍ പറഞ്ഞു.