ജിദ്ദ: ലോക്‌സഭാ തെരഞ്ഞെടുപ്പില്‍ പ്രവാസികളെ ബോധവല്‍ക്കരിക്കുന്നതിനു വേണ്ടി റുവൈസ് ഏരിയ യു.ഡി.എഫ് കമ്മിറ്റി തെരെഞ്ഞെടുപ്പ് പ്രചാരണ കണ്‍വെന്‍ഷന്‍ സംഘടിപ്പിച്ചു. ഒ.ഐ.സി.സി മലപ്പുറം ജില്ലാ പ്രസിഡന്റ് ഹക്കീം പാറക്കല്‍ ഉദ്ഘാടനം ചെയ്തു. ഇന്ത്യ ഒരു മതേതര ജനാധിപത്യ രാജ്യമായി നിലനില്‍ക്കണമെങ്കില്‍ രാഹുല്‍ ഗാന്ധിയുടെ നേതൃത്വത്തിലുള്ള യു.പി.എ സര്‍ക്കാര്‍ അധികാരത്തില്‍ വരേണ്ടത് അനിവാര്യമാണെന്ന് അദ്ദേഹം പറഞ്ഞു. റുവൈസ് ഏരിയ കെ.എം.സി.സി ആക്ടിങ് പ്രസിഡന്റ് മുസ്തഫ ചെമ്പന്‍ അധ്യക്ഷത വഹിച്ചു. മലപ്പുറം ജില്ലാ കെ.എം.സി.സി ജനറല്‍ സെക്രട്ടറി ഹബീബ് കല്ലന്‍ മുഖ്യപ്രഭാഷണം നടത്തി.

ഇന്ത്യന്‍ മതേതരത്വം നേരിടുന്ന വെല്ലുവിളികള്‍ അദ്ദേഹം വിശദീകരിച്ചു. അബ്ദു ചെമ്പന്‍, സക്കീര്‍ കണ്ണോത്ത്, കെ.എന്‍.എ ലത്തീഫ്, മുഹമ്മദ് കല്ലിങ്ങല്‍, ഷഫീഖ് പൊന്നാനി, സിദ്ധീഖ് സലാമത് നഗര്‍, ബാവ പൊങ്ങാടന്‍ തുടങ്ങിയവര്‍ ആശംസ പ്രസംഗം നടത്തി. മുജഫര്‍ സ്വാഗതവും മനാഫ് തുറക്കല്‍ നന്ദിയും പറഞ്ഞു. ശരീഫ് സാംസങ്, ഫിറോസ് പടപ്പറമ്പ്, ശരീഫ് മുസ്‌ലിയാരങ്ങാടി, കുഞ്ഞാപ്പു കരിപ്പൂര്‍, ഷാജി പൊന്നാനി, അന്‍സാരി വെള്ളുവമ്പ്രം, സിദ്ധീഖ് നെടിയിരുപ്പ്, ഷറഫു കരിപ്പൂര്‍, റാഫി കുറ്റൂര്‍ തുടങ്ങിയവര്‍ പരിപാടിക്ക് നേതൃത്വം നല്‍കി.