ഗുരുവായൂര്‍: നവീകരിച്ച ചൊവ്വല്ലൂര്‍ ജമാഅത്ത് പള്ളിയുടെ ഉദ്ഘാടനം നാളെ അസര്‍ നിസ്‌കാരത്തിന് നേതൃത്വം നല്‍കികൊണ്ട് പാണക്കാട് സയ്യിദ് ഹൈദരലി ശിഹാബ് തങ്ങള്‍ നിര്‍വഹിക്കും.
തുടര്‍ന്ന് മുന്‍ ഖത്തീബുമാരെയും മഹല്ലില്‍ 25 വര്‍ഷം മുഅദ്ദിന്‍ ആയി സേവനം പൂര്‍ത്തിയാക്കിയ അബ്ദുള്‍ റഹ്മാന്‍ മുസ്‌ലിയാര്‍, മുന്‍ മുഅദ്ദിന്‍ മുഹമ്മദ് മുസ്‌ലിയാര്‍ എന്നിവരെയും ആദരിക്കും.
ഉദ്ഘാടനത്തോടനുബന്ധിച്ച് മൂന്ന് ദിവസത്തെ പ്രഭാഷണം, സാംസ്‌കാരിക സമ്മേളനം എന്നിവയും സംഘടിപ്പിച്ചിട്ടുണ്ടെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
ശനിയാഴ്ച വൈകുന്നേരം 4.30ന് നടക്കുന്ന സാംസ്‌കാരിക സമ്മേളനം മന്ത്രി കെ.ടി ജലീല്‍ ഉദ്ഘാടനം ചെയ്യും. മുരളി പെരുനെല്ലി എം.എല്‍.എ മുഖ്യാതിഥിയായിരിക്കും.
മുന്‍ എം.എല്‍.എമാരായ ബാബു എം.പാലിശ്ശേരി സുവനീര്‍ പ്രകാശനവും, പി.എ മാധവന്‍ ആര്‍ക്കിടെക്റ്റിനേയും എന്‍ജിനിയറേയും ആദരിക്കലും നടത്തും. സാമൂഹിക,സാംസ്‌കാരിക രംഗത്തെ പ്രമുഖര്‍ ആശംസകളര്‍പ്പിക്കും.
വാര്‍ത്താസമ്മേളനത്തില്‍ മഹല്ല് കമ്മറ്റി പ്രസിഡന്റ് കെ.വി അബ്ദുല്‍ ഖാദര്‍ മജീദ് ഹാജി, ജനറല്‍ സെക്രട്ടറി എന്‍.എം മുത്തു, നവീകരണ കമ്മിറ്റി കണ്‍വീനര്‍ കെ.എച്ച് ഇഖ്ബാല്‍, ഖത്തീബ് ഫാഹിസ് മുഹമ്മദ് സ്വഫ്‌വാന്‍ റഹ്മാനി എന്നിവര്‍ പങ്കെടുത്തു.