ആനക്കര: വട്ടംകുളം എരുവപ്രഅയ്യപ്പക്ഷേത്രത്തില്‍ 2017 ഏപ്രില്‍ ഒന്‍പതു മുതല്‍ 14 വരെനടന്നുവന്ന പര്‍ജന്യയാഗത്തിലെ യജമാനും കൊളളന്നൂര്‍ ശ്രീ കുന്നത്ത്കാവ് മേല്‍ശാന്തിയുമായ നരിപറമ്പ് മന വാസുദേവന്‍ നമ്പൂതിരിയെയും യജമാനപത്‌നി വത്സല അന്തര്‍ജനത്തിനെയും കുന്നത്ത് കാവ് ക്ഷേത്രഭരണസമിതിയും നാട്ടുകാരും ചേര്‍ന്ന് ആദരിച്ചു. ക്ഷേത്രകവാടത്തില്‍നിന്ന് പഞ്ചവാദ്യം താലം എന്നിവയോടെ പൂര്‍ണകുംഭം നല്‍കി സ്വീകരിച്ചശേഷം ക്ഷേത്രം ഓഡിറ്റോറിയത്തിലായിരുന്നുചടങ്ങ്. കപ്പൂര്‍ പഞ്ചായത്തംഗം സല്‍മ ടീച്ചര്‍ അധ്യക്ഷയായി ചേര്‍ന്നയോഗം ഗുരുവായൂര്‍ കരുണ ഫൗണ്ടേഷന്‍, പൈതൃകം എന്നിവയുടെ ചെയര്‍മാനും റിട്ട. ക്രൈംബ്രാഞ്ച് ഡിവൈ.എസ്.പി ഡോ. കെ.ബി സുരേഷ് ഉദ്ഘാടനം ചെയ്തു. ചടങ്ങില്‍ സി.ഐ സുധാകരന്‍, ഇ.ടി രവി നമ്പൂതിരി, പി.എം രാജേഷ്, രവിന്ദ്രന്‍, കെ കുമാരന്‍, അനില്‍ പാങ്കോടത്ത്, വാമനന്‍ നമ്പൂതിരി, എന്‍ പരമേശ്വരന്‍, പി.കെ രാജന്‍, ബിജിത ബാബു സംസാരിച്ചു. പി ബാബു സ്വാഗതവും എം ബാലകൃഷ്ണന്‍ നന്ദിയും പറഞ്ഞു.