എരമല്ലൂര്‍: പൊന്‍പുറം നൂറൂല്‍ഹുദ മേഖല കമ്മറ്റിയുടെ ആഭിമുഖ്യത്തില്‍ റംസാന്‍ അവധിക്കുശേഷം മദ്‌റസ കള്‍ തുറക്കുമ്പോള്‍ പുതിയ കുരുന്നുകളെ വരവേല്‍ക്കുവാന്‍ ഇന്നു രാവിലെ 7 മണിക്ക് മദ്‌റസ പ്രവേശനോത്സവം വിപുലമായി ആഘോഷിക്കുകയാണ്. പ്രസിഡന്റ് വാലയില്‍ റഷീദിന്റെ അദ്ധ്യക്ഷതയില്‍ കൂടുന്ന യോഗം പൊന്‍പുറം മുസ്ലിം മഹല്‍ ജമാഅത്തിന്റെ ഇമാം ഡോ. ഹക്കിംഫൈസി ഉത്ഘാടനം നിര്‍വ്വഹിക്കും.
മഹല്‍ പ്രസിഡന്റ് അബ്ദുള്‍ ഗഫൂര്‍ഹാജി പുതിയ കുട്ടികള്‍ക്കുള്ള ബാഡ്ജ് വിതരണം നടത്തും. ചന്തിരൂര്‍ റെയിഞ്ച് സെക്രട്ടറി കെ. ബഷീര്‍ മൗലവി, മഹല്‍ സെക്രട്ടറി നൗഷാദ്, ജെസീര്‍ ബാദുഷ മൗലവി തുടങ്ങിയവര്‍ ആശംസകള്‍ നേരും.