കോട്ടയം: കൊവിഡ് രോഗിയുമായി സമ്പര്‍ക്കത്തിലേര്‍പ്പെട്ടതിനെത്തുടര്‍ന്ന് വൈക്കം എം.എല്‍.എ സ്വയം നിരീക്ഷണത്തില്‍ പ്രവേശിച്ചു. ശനിയാഴ്ച്ച കൊവിഡ് സ്ഥിരീകരിച്ച ഒരു അധ്യാപികയുമായി സമ്പര്‍ക്കമുണ്ടായതിനെത്തുടര്‍ന്നാണ് ക്വാറന്റൈനില്‍ പ്രവേശിച്ചത്. തന്റെ ഫെയ്‌സ്ബുക്ക് പേജിലൂടെയാണ് എം.എല്‍.എ ഇക്കാര്യം അറിയിച്ചത്.

അധ്യാപിക തന്റെ വിദ്യാര്‍ഥിയുടെ വീട്ടില്‍ പഠനവിവരം അന്വേഷിച്ചതിന്റെ രണ്ടാമത്തെ ദിവസം വിദ്യാര്‍ഥിയ്ക്ക് ടെലിവിഷന്‍ കൈമാറുന്ന പരിപാടിയില്‍ സി.കെ ആശയും പങ്കെടുത്തിരുന്നു. അധ്യാപികയ്ക്ക് രോഗബാധ സ്ഥിരീകരിച്ചതോടെ ക്വാറന്റൈനില്‍ പ്രവേശിക്കാന്‍ തീരുമാനിച്ചതായി എം.എല്‍.എ എഫ്.ബി പോസ്റ്റില്‍ കുറിച്ചു.