മടിക്കേരി: കുടക് ജില്ലാ ജംഇയ്യത്തുല്‍ മുഅല്ലിമീന്‍ സംഘടിപ്പിക്കുന്ന പതിനാലാമത് ജില്ലാതല ഇസ്‌ലാമിക കലാമേള ഇന്ന് നടക്കും. സുണ്ടികൊപ്പ ഖദീജ ഉമ്മ മദ്‌റസാ അങ്കണത്തില്‍ രാവിലെ ഒമ്പതിന് പതാക ഉയര്‍ത്തലോടു കൂടി മേളക്ക് തുടക്കമാകും. സുണ്ടികൊപ്പ മുദരിസ് എ.സി ഉസ്മാന്‍ ഫൈസി  പതാക ഉയര്‍ത്തും. മൂന്ന് വേദികളിലായി 300 ഓളം കലാപ്രതിഭകളാണ് മാറ്റുരക്കുക. മലയാളം, കന്നട, അറബി, ഉര്‍ദു ഭാഷകളിലില്‍ സബ് ജൂനിയര്‍, ജൂനിയര്‍, സീനിയര്‍, സൂപ്പര്‍ സീനിയര്‍ വിഭാഗങ്ങളിലായി വ്യത്യസ്തമായ 94 ഇനങ്ങളിലാണ് അധ്യാപക, വിദ്യാര്‍ഥി മത്സരം നടക്കുന്നത്. സമാപന സമ്മേളനം കെ.എം  ഇബ്രാഹിം ഹാജിയുടെ അധ്യക്ഷതയില്‍ കുടക് അബ്ദുറഹ്മാന്‍ മുസ്‌ലിയാര്‍ ഉല്‍ഘാടനം ചെയ്യും.