ചെറുപുഴ: പുളിങ്ങോം രാജഗിരിയില്‍ കുളിമുറിയില്‍ രാജവെമ്പാലയെ കണ്ടെത്തി. രാജഗിരി കുപ്പാലത്തെ വള്ളിക്കാട്ട് ഷിബുവിന്റെ വീടിന് സമീപത്തെ കുളിമുറിയിലാണ് പാമ്പിനെ കണ്ടെത്തിയത്. രാവിലെ ഷിബുവിന്റെ ഭാര്യ അനീറ്റയാണ് പാമ്പിനെ കണ്ടത്.
ഭയന്ന് പുറത്തേക്കോടിയ അനീറ്റ വീട്ടുകാരെയും അയല്‍വാസികളെയും വിവരമറിയിച്ചു. രാജവെമ്പാലയാണെന്ന് മനസിലായതിനെതുടര്‍ന്ന് വനം വകുപ്പ് അധികൃതരെ വിവരമറിയിച്ചു.
പയ്യന്നൂരിലെ പാമ്പ് പിടുത്ത വിദഗ്ധന്‍ അന്നൂക്കാരന്‍ പവിത്രന്‍ എഴിലോട്, ഫോറസ്റ്റ് ജീവനക്കാരന്‍ റിയാസ് മാങ്ങാട് എന്നിവര്‍ സ്ഥലത്തെത്തി പാമ്പിനെ മൂന്നര മീറ്ററോളം നീളമുള്ള പാമ്പിനെ പിടികൂടുകയായിരുന്നു.
കാട്ടിലേക്കു വിടുന്നതിനായ പാമ്പിനെ വനംവകുപ്പ് കൊണ്ടുപോയി. രാജവെമ്പാലയെ കണ്ടെത്തിയതറിഞ്ഞ് നിരവധി ആളുകളാണ് സ്ഥലത്ത് തടിച്ചുകൂടിയത്.