ഭോപ്പാല്‍: മധ്യപ്രദേശില്‍ ഒരു കോണ്‍ഗ്രസ് എം.എല്‍.എകൂടി ബി.ജെ.പിയില്‍ ചേര്‍ന്നു. മല്‍ഹേരയില്‍നിന്നുള്ള പ്രദ്യുംസിങ് ലോധിയാണ് ബി.ജെ.പിയില്‍ ചേര്‍ന്നത്. നേരത്തെ, ബി.ജെ.പി നേതാവായിരുന്ന ഇദ്ദേഹം 2018ല്‍ നിയമസഭാ തെരഞ്ഞെടുപ്പിന് മുന്‍പായിരുന്നു കോണ്‍ഗ്രസില്‍ ചേര്‍ന്നത്.

അതേസമയം, മധ്യപ്രദേശില്‍ മന്ത്രിമാരുടെ വകുപ്പുകള്‍ ഇന്നു പ്രഖ്യാപിക്കുമെന്ന് മുഖ്യമന്ത്രി ശിവരാജ് സിങ് ചൗഹാന്‍ കഴിഞ്ഞ ദിവസം വ്യക്തമാക്കിയിരുന്നെങ്കിലും ഇതുവരെയും അതുണ്ടായിട്ടില്ല. നിയമസഭയില്‍ അടുത്തയാഴ്ച ബജറ്റ് അവതരിപ്പിക്കാനിരിക്കേ ധനമന്ത്രി ആരെന്നുപോലും വ്യക്തമായിട്ടില്ല.