ഉദുമ: കിണറില്‍ വീണ് തൊഴിലാളിക്ക് പരുക്കേറ്റു. ഉദുമ മേല്‍ബാരയിലെ ബിജുവിനാ(32)ണ് കിണറില്‍ നിന്നും തിരിച്ചു കയറുന്നതിനിടെ വീണു പരുക്കേറ്റത്.
കഴിഞ്ഞ ദിവസം ഉച്ചയോടെ ബാരയിലെ സ്വകാര്യ വ്യക്തിയുടെ 45 അടി താഴ്ച്ചയുള്ള കിണര്‍ വൃത്തിയാക്കാന്‍ ഇറങ്ങിയതായിരുന്നു ഇയാള്‍. കിണറിലെ ജോലി  കഴിഞ്ഞ് മുകളിലേക്ക് കയറുന്നതിനിടെ ഇയാള്‍  പിടിവിട്ട് കിണറിലേക്ക് വീഴുകയായിരുന്നു. സംഭവത്തില്‍  തോളെല്ല് പൊട്ടിയ  ഇയാളെ കാസര്‍ക്കോട്ടെ സ്വകാര്യ ആശുപത്രിയില്‍ പ്രവേശിപ്പിച്ചു. വിവരമറിഞ്ഞുകാസര്‍കോട് നിന്നും അഗ്‌നിരക്ഷാ ശമന സേനയെത്തിയാണ്   ഇയാളെ കിണറില്‍ നിന്നും പുറത്തേക്കെടുത്തത്.