മനാമ: 2020 ജൂലൈ 21 മുതൽ ബഹ്റൈനിലെത്തുന്നവരെല്ലാം കോവിഡ് ടെസ്റ്റ് നടത്താനുള്ള ചിലവ് സ്വയം വഹിക്കണമെന്ന് ബഹ്റൈൻ ആരോഗ്യ മന്ത്രാലയം അറിയിച്ചു. 

30 ബഹ്റൈൻ ദിനാറാണ്​ ടെസ്​റ്റ് ചിലവ്.
ബഹ്​റൈൻ ഇൻറർനാഷണൽ എയർപോർട്ടിലെത്തുന്ന എല്ലാ യാത്രക്കാരും ഈ ചെലവ്​ വഹിക്കണമെന്നാണ് അറിയിപ്പ്.

ഇതുവരെ ബഹ്റൈനിലെത്തുന്നവർക്കെല്ലാം രാജ്യത്ത്സൗജന്യ കോവിഡ് ടെസ്റ്റും ക്വാറന്റെനും ലഭ്യമായിരുന്നു.
അതേസമയം,
കാബിൻ ക്രൂ, ഡി​േപ്ലാമാറ്റിക്​, യാത്രക്കാർ, മറ്റ്​ ഒൗദ്യോഗിക യാത്രക്കാർ തുടങ്ങിയവർക്ക് ഈ സൗജന്യ സർവ്വീസ് തുടർന്നും ലഭിക്കും. അവർ ഫീസ്​ അടക്കേണ്ടതില്ല. ഒപ്പം ട്രാൻസിറ്റ്​ യാത്രക്കാർക്കും രാജ്യത്ത്കോ വിഡ്​ ടെസ്​റ്റ്​ ആവശ്യമില്ല.

ഇവരല്ലാത്തവരെല്ലാം ക്യാഷ്​ ആയോ ‘ബി അവെയർ ബഹ്​റൈൻ’ എന്ന മൊബൈൽ ആപ്പിലുടെ ഇലക്​ട്രോണിക്​ പേയ്​മ​െൻറ്​ ആയോ പണം അടക്കണം.

പരിശോധനയിൽ നെഗറ്റീവ്​ ആകുന്ന യാത്രക്കാർ 10 ദിവസം വീട്ടുനിരീക്ഷണത്തിൽ കഴിയണം. ക്വാറൻറീൻ കാലാവധി അവസാനിക്കു​​േമ്പാൾ വീണ്ടും ടെസ്​റ്റ്​ നടത്തണം. ഇതിനും 30 ദിനാർ അടക്കേണ്ടിവരും.
അതേ സമയം, ജൂലൈ 21ന് മുമ്പ് രാജ്യത്തെത്തിയ സ്വദേശികൾക്കും പ്രവാസികൾക്കും കോവിഡ്​ ചികിത്സയും ക്വാറന്റെനും തുടർന്നും സൗജന്യമായി തന്നെ ലഭിക്കുമെന്നും ഇതിൽ മാറ്റം വരുത്താൻ സാധ്യതയില്ലെന്നുമാണ് കരുതുന്നത്.

നിലവിൽ ഈ സൗജന്യ പരിശോധനക്കായി എല്ലാ ദിവസവും മൊബൈൽ യൂണിറ്റുകൾ എന്ന പേരിൽ പ്രത്യേക സൗജന്യബസ് സർവ്വീസുകളും വിവിധ ഭാഗങ്ങളിൽ സൗജന്യ ക്യാറന്റീൻ ക്യാമ്പുകളും പ്രവർത്തിക്കുന്നുണ്ട്. ഇവ  സംബന്ധിച്ച കൂടുതൽ വിവരങ്ങളും ‘ബി അവെയർ ബഹ്​റൈൻ’ എന്ന മൊബൈൽ ആപ്പിൽ ലഭ്യമാണ്. ലിങ്ക്:

https://apps.apple.com/bh/app/beaware-bahrain/id1501478858