ഈരാറ്റുപേട്ട: ഗ്രാമപഞ്ചായത്തില്‍ എസ്.എസ്.എല്‍.സി, പ്ലസ് ടു, സി.ബി.എസ്.ഇ പരീക്ഷകളില്‍ ഉന്നത വിജയം നേടിയ വിദ്യാര്‍ഥികളെ പി.സിജോര്‍ജ് എം.എല്‍.എ ആദരിച്ചു. പഞ്ചായത്തിലെ 100% വിജയം നേടിയ തീക്കോയി സെന്റ് മേരീസ്, ഗവ.ടെക്‌നിക്കല്‍ സ്‌കൂളുകളെ ബ്ലോക്ക് പഞ്ചായത്ത് പ്രസിഡന്റ് ആര്‍ പ്രേംജി പ്രത്യേക ഉപഹാരങ്ങള്‍ നല്‍കി ആദരിച്ചു.
ഗ്രാമപഞ്ചായത്തില്‍ നിന്ന് ജനങ്ങള്‍ക്കു ലഭിക്കുന്ന സേവനങ്ങള്‍ സംബന്ധിച്ച് ഗ്രാമപഞ്ചായത്ത് പ്രസിദ്ധീകരിക്കുന്ന പൗരാവകാശരേഖയുടെ പ്രകാശന കര്‍മ്മം പി.സി ജോര്‍ജ് എം.എല്‍.എ നിര്‍വഹിച്ചു.
ഗ്രാമ പഞ്ചായത്ത് പ്രസിഡന്റ് കെ.സി ജെയിംസ് അധ്യക്ഷത വഹിച്ചു.
ലിസി സെബാസ്റ്റ്യന്‍, ബിനോയി ജോസഫ്, റോഷ്ണി റ്റോമി, രോഹിണി ഭായി ഉണ്ണികൃഷ്ണന്‍, ഷാജി മാത്യു മേക്കാട്ട്, കെ.ജെ.മാത്യു, കുര്യാക്കോസ് ജോര്‍ജ് , ഉണ്ണികൃഷ്ണന്‍ ആര്‍, ലീലാമ്മ ജോര്‍ജ്ജുകുട്ടി തുടങ്ങിയവര്‍ പ്രസംഗിച്ചു.