തിരുനെല്ലി: ഗവ. ആശ്രമം സ്‌കൂളില്‍ ഒരുക്കിയ സ്മാര്‍ട്ട് ക്ലാസ് റൂം ഒ.ആര്‍ കേളു എം.എല്‍.എ ഉദ്ഘാടനം ചെയ്തു.
പരിപാടിയില്‍ എസ്.എസ്.എല്‍.സി പരീക്ഷയില്‍ മികച്ച വിജയം നേടിയ വിദ്യാര്‍ഥികളെ ആദരിച്ചു. വായനാദിനത്തോടനുബന്ധിച്ച് നടത്തിയ മത്സരത്തില്‍ ഒന്നും രണ്ടും മൂന്നും സ്ഥാനം നേടിയ വിദ്യാര്‍ഥികള്‍ക്ക് സമ്മാനം നല്‍കി. വിദ്യാരംഗം കലാസാഹിത്യവേദിയുടെയും വിവിധ ക്ലബുകളുടേയും ഉദ്ഘാടനം മാനന്തവാടി എ.ടി.ഡി.ഒ മനോജ് നിര്‍വഹിച്ചു.
പ്രധാനാധ്യാപകന്‍ കുഞ്ഞിക്കണ്ണന്‍ മാസ്റ്റര്‍ അധ്യക്ഷനായി. കാട്ടിക്കുളം ടി.ഇ.ഒ നജ്മുദ്ധീന്‍, മാനേജര്‍ ഷില്ലി, സതീഷ്‌കുമാര്‍, മണി, വിദ്യാര്‍ഥി പ്രതിനിധി വിജിഷ്ണ, സുഷ്മിത, അപര്‍ണ കെ. റെജി സംസാരിച്ചു. സീനിയര്‍ സൂപ്രണ്ട് മജീദ് തലപ്പുഴ സ്വാഗതവും സ്റ്റാഫ് സെക്രട്ടറി ജെറില്‍ സെബാസ്റ്റ്യന്‍ നന്ദിയും പറഞ്ഞു.