കല്‍പ്പറ്റ: പി. അമ്മദെന്ന സാംസ്‌കാരിക തേജസിന്റെ നന്മനിറഞ്ഞ ഓര്‍മകള്‍ എന്നും നിലനില്‍ക്കുമെന്ന് കെ.ഇ.എന്‍ കുഞ്ഞഹമ്മദ്. ലൈബ്രറി കൗണ്‍സില്‍, പുരോഗമന കലാ സാഹിത്യ സംഘം, ശാസ്ത്ര സാഹിത്യ പരിഷത്ത്, ഡി.വൈ.എഫ്.ഐ കലാ സാംസ്‌കാരിക വേദി, സംഗീതിക തുടങ്ങിയ സാംസ്‌കാരിക സംഘടനകളുടെ സംയുക്താഭിമുഖ്യത്തില്‍ സംഘടിപ്പിച്ച പി. അമ്മദ് അനുസ്മരണത്തില്‍ സംസാരിക്കുകയായിരുന്നു അദ്ദേഹം. ടി സുരേഷ് ചന്ദ്രന്‍ അധ്യക്ഷനായി.
ഡോ. പി.കെ പോക്കര്‍, എം. ബാലഗോപാലന്‍, പി.പി ആലി, എ.പി ഹമീദ്, കെ. സദാനന്ദന്‍, സി.കെ ശിവരാമന്‍, എന്‍.കെ ജോര്‍ജ്, ഏച്ചോം ഗോപി, എസ്.സി ജോണ്‍ സംസാരിച്ചു.
എ.കെ രാജേഷ് അനുശോചന പ്രമേയം അവതരിപ്പിച്ചു. ബാഷിയുടെ ഗസലോടു കൂടിയാണ് യോഗം ആരംഭിച്ചത്. പി.കെ ബാബുരാജ് സ്വാഗതവും എം. ദേവകുമാര്‍ നന്ദിയും പറഞ്ഞു.