നടുവണ്ണൂര്‍: കാലിക്കറ്റ് ജ്യോഗ്രഫി ടീച്ചേഴ്‌സ് അസോസിയേഷന്‍ പ്രതിഭാ പുരസ്‌കാരം എം. നിശാന്ത് മോഹന് ഹയര്‍ സെക്കന്‍ഡറി റീജ്യനല്‍ ഡെപ്യൂട്ടി ഡയറക്ടര്‍ ജയശ്രീ ടീച്ചര്‍ സമ്മാനിച്ചു.ഭൂമിശാസ്ത്ര അധ്യാപന മേഖലയില്‍ നിശാന്ത് മോഹന്‍ നടത്തുന്ന ഇടപെടലുകള്‍ മാതൃകാപരമാണെന്നും ഇത് ഭൂമിശാസ്ത്രമെന്ന വിഷയത്തിന്റെ വളര്‍ച്ചക്ക് സഹായകമാവുന്നുവെന്നും ജയശ്രീ ടീച്ചര്‍ പറഞ്ഞു.   വയനാട് മീനങ്ങാടി ഗവ. ഹയര്‍ സെക്കന്‍ഡറി സ്‌കൂള്‍ ഭൂമിശാസ്ത്ര അധ്യാപകനാണ് നിശാന്ത് മോഹന്‍. സലീം നടുവണ്ണൂര്‍ അധ്യക്ഷനായി. പി. ഷാജിദ്, കെ. അജയന്‍, രൂപേഷ് ആര്‍ മുചുകുന്ന്, പി. സൂരജ്, കെ. ഷൈനി, വി. മുഹമ്മദ് യാസിര്‍, ടി.കെ ഷൈഫുല്‍ അമീന്‍ സംസാരിച്ചു.