പാരിസ്: മോണ്ടെ കാര്‍ലോ മാസ്റ്റേഴ്‌സില്‍ പത്താം കിരീടം നേടി ചരിത്രമെഴുതിയതിന് പിന്നാലെ സ്പാനിഷ് താരം റാഫേല്‍ നദാലിന് റാങ്കിങിലും മുന്നേറ്റം. ഏറ്റവും പുതിയ എ.ടി.പി റാങ്കിങില്‍ നദാല്‍ അഞ്ചാം സ്ഥാനത്തേക്ക് കയറി. മുറെ, ദ്യോക്കോവിച്, വാവ്‌റിങ്ക, ഫെഡറര്‍ എന്നിവര്‍ ആദ്യ നാല് സ്ഥാനങ്ങള്‍ നിലനിര്‍ത്തി.
മോണ്ടെ കാര്‍ലോയില്‍ മുറെയെയും മരിന്‍ സിലിച്ചിനേയും അട്ടിമറിച്ച റാമോസ് വിനോലസ് കരിയറിലെ മികച്ച റാങ്കിലെത്തി. അഞ്ച് സ്ഥാനങ്ങള്‍ മെച്ചപ്പെടുത്തി താരം 19ല്‍. മിലോസ് റാവോനിക്ക് ആറിലും കെയ് നിഷികോരി ഏഴിലും മരിന്‍ സിലിച്ച് എട്ടിലും നില്‍ക്കുന്നു.