സി.ജി.ടി.എ പ്രതിഭാ പുരസ്‌കാരം
നിശാന്ത് മോഹന് സമ്മാനിച്ചു

നടുവണ്ണൂര്‍: കാലിക്കറ്റ് ജ്യോഗ്രഫി ടീച്ചേഴ്‌സ് അസോസിയേഷന്‍ പ്രതിഭാ പുരസ്‌കാരം എം. നിശാന്ത് മോഹന് ഹയര്‍ സെക്കന്‍ഡറി റീജ്യനല്‍ ഡെപ്യൂട്ടി ഡയറക്ടര്‍ ജയശ്രീ ടീച്ചര്‍ സമ്മാനിച്ചു.
ഭൂമിശാസ്ത്ര അധ്യാപന മേഖലയില്‍ നിശാന്ത് മോഹന്‍ നടത്തുന്ന ഇടപെടലുകള്‍ മാതൃകാപരമാണെന്നും ഇത് ഭൂമിശാസ്ത്രമെന്ന വിഷയത്തിന്റെ വളര്‍ച്ചയ്ക്ക് സഹായകമാകുമെന്നും ജയശ്രീ ടീച്ചര്‍ പറഞ്ഞു.
വയനാട് മീനങ്ങാടി ഗവ. ഹയര്‍ സെക്കന്‍ഡറി സ്‌കൂള്‍ ഭൂമിശാസ്ത്ര അധ്യാപകനാണ് നിശാന്ത് മോഹന്‍. സലീം നടുവണ്ണൂര്‍ അധ്യക്ഷനായി. പി. ഷാജിദ്, കെ. അജയന്‍, രൂപേഷ് ആര്‍ മുചുകുന്ന്, പി. സൂരജ്, കെ. ഷൈനി, വി. മുഹമ്മദ് യാസിര്‍, ടി.കെ ഷൈഫുല്‍ അമീന്‍ സംസാരിച്ചു.
എം. നിശാന്ത് മോഹന്‍ എഴുതിയ കേരളം ഭൂപടങ്ങളിലൂടെ എന്ന പുസ്തകത്തിന്റെ ചര്‍ച്ച എ.വി രജീഷ് ഉദ്ഘാടനം ചെയ്തു. കെ.എം ഹൈജാസ് റഫീഖ്, ടി. സന്തോഷ്, എസ്. പ്രമോദ് കുമാര്‍, വി.ആര്‍ അനുഷ, പി.എസ് സ്റ്റല്ല, ടി. ശ്രീലേഷ്, ശ്രീലു ശ്രീപദി പങ്കെടുത്തു. ഡോ. എ.എം ഷബീര്‍ സ്വാഗതവും എസ്.ആര്‍ അശ്വതി നന്ദിയും പറഞ്ഞു.