തിരുവനന്തപുരം: ഡിപ്ലോമാറ്റിക്ക് സ്വര്‍ണ തട്ടിപ്പു കേസില്‍ എന്‍.ഐ.എ പിടികൂടിയ സ്വപ്ന സുരേഷിനെ പ്രതിപട്ടികയില്‍ ചേര്‍ത്ത് കസ്റ്റംസും. കസ്റ്റംസ് രജിസ്റ്റര്‍ ചെയ്ത കേസില്‍ മൂന്നാം പ്രതിയാണ് സ്വപ്ന.

സരിത്താണ് കേസില്‍ ഒന്നാം പ്രതി. ടി.കെ റമീസ് രണ്ടാം പ്രതിയും സന്ദീപ് നാലാം പ്രതിയുമാണ്. സ്വര്‍ണക്കടത്ത് കേസില്‍ കസ്റ്റംസും എന്‍ഐഎയും പ്രത്യേകം പ്രത്യേകമാണ് അന്വേഷണം നടത്തുന്നത്.

എന്‍.ഐ.എ രജിസ്റ്റര്‍ ചെയ്ത കേസില്‍ രണ്ടാം പ്രതിയാണ് സ്വപ്ന. ബംഗളൂരുവില്‍ നിന്നു പിടിയിലായ സ്വപ്നയെയും സന്ദീപ് നായരെയും കോടതി റിമാന്‍ഡ് ചെയ്തിരിക്കുകയാണ്.